The Republic of the union of myanmar

MINISTRY OF ELECTRIC POWER

Breaking News :
    (၁၅.၄.၂၀၂၄) ရက်နေ့ လျှပ်စစ်ဓာတ်အားထုတ်လုပ်မှုအမြင့်ဆုံးမှာ (၂၇၀၀.၂) မဂ္ဂါဝပ်ဖြစ်ပြီး တစ်ရက်စုစုပေါင်းထုတ်လုပ်ခဲ့သည့် ယူနစ်မှာ (၅၆၈၇၆.၁)မဂ္ဂါဝပ်နာရီဖြစ်ပါသည်။    
ကူညီ ဝေမျှ ပညာရ
MOEP နှင့်သက်ဆိုင်သည့် နည်းပညာစာအုပ်များ
ဆောင်းပါးများ
ဓါတ်အားခနှုန်းထားများ တွက်ချက်ရန်
ဓါတ်အားလိုင်းပြမြေပုံ
android apk
www.moep.gov.mm

Total visitors

8194K+

၂၀၂၀ ပြည့်နှစ်အတွင်း အင်းစိန်မြို့နယ်အတွင်းရှိ လမ်းမီးများအားလုံး ထွန်းလင်းနိုင်ရေးကို အပြီးသတ် ဆောင်ရွက် ပေးရန် အစီအစဉ်ရှိ/မရှိနှင့် စပ်လျဉ်းသည့်မေးခွန်း

ဦးမောင်မောင်ဦး (အင်းစိန်မဲဆန္ဒနယ်)

              ပြည်သူများ၏ အခြေခံလိုအပ်ချက်ဖြစ်သည့် လမ်း၊ ရေမြောင်း၊ သောက်သုံးရေရရှိရေး၊ လျှပ်စစ်မီး စသည့်ကိစ္စများ ဖွံ့ဖြိုးတိုးတက်အောင် ဆောင်ရွက်သည့်အခါတွင် မြို့နယ်အဆင့်၊ တိုင်းဒေသကြီး အဆင့်၊ ပြည်ထောင်စုအဆင့်တာဝန်ရှိပုဂ္ဂိုလ်များနှင့် အတတ်နိုင်ဆုံး ပေါင်းစပ်ညှိနှိုင်း ဆောင်ရွက် သည့်နည်းကို အသုံးပြုခဲ့သည့်အတွက် အောင်မြင်မှုများစွာရရှိခဲ့ပါကြောင်း၊ အထူးသဖြင့် လျှပ်စစ် ကဏ္ဍတွင် လျှပ်စစ်မီးအား အန္တရာယ်ကင်းစွာ၊ အပြည့်အဝသုံးစွဲနိုင်ရေးအတွက် အန္တရာယ်ရှိသည့် လျှပ်စစ်ဓာတ်အားကြိုးများ၊ ဓာတ်တိုင်များလဲလှယ်ခြင်း၊ ရှုပ်ထွေးဆားဗစ်ကြိုးများ ရှင်းလင်းခြင်း စသည့် ကိစ္စရပ်များ ဖြေရှင်းသည့်အခါတွင် နိုင်ငံတော်ဘတ်ဂျက်၊ သက်ဆိုင်ရာကော်မတီများ၏ ရင်းနှီးမြှုပ်နှံမှုများ တင်မက ဒေသခံပြည်သူများ၏ ပူးပေါင်းထည့်ဝင်ငွေများဖြင့် ဆောင်ရွက်ခဲ့ သည်မှာ ယခုဆိုလျှင် အင်းစိန် မြို့နယ်အတွင်းရှိ ရှုပ်ထွေးဆားဗစ်ကြိုးများရှင်းလင်းမှုသည် ၉၅ ရာခိုင်နှုန်းခန့် အောင်မြင်စွာ ပြီးစီးခဲ့ပြီးဖြစ်ပါကြောင်း၊တရားဥပဒေစိုးမိုးရေးကို အဓိက အထောက် အကူပြုသည့် အချက်သည် တစ်မြို့နယ်လုံး လမ်းမီးများမီးလင်းရေး ဖြစ်ပါကြောင်း၊ ဒုစရိုက်မှု အဖြစ်ကျူးလွန်သူများသည်အမှောင်ကိုအခြေခံပြီးကျူးလွန်တက်ကြသည့်အတွက်ခေတ်အဆက် ဆက်က လမ်းမီးများမီးလင်းရေးအတွက် ရန်ကုန်မြို့တော်စည်ပင် သာယာရေးကော်မတီ (YCDC) က လျှပ်စစ်မီးသီးဝယ်ပေးရပြီး ရန်ကုန်လျှပ်စစ် ဓာတ်အားပေးကော်ပိုရေးရှင်း (YESC) က ၎င်းမီးသီးများကိုတပ်ဆင်ပေး ခဲ့ခြင်းဖြစ်ပါကြောင်း၊ နှစ်ပေါင်းများစွာ ဌာနနှစ်ခုပေါင်းမှ လမ်းမီး လင်းရသည့် ရှုပ်ထွေးလွှဲမှားခဲ့သည့် စီမံခန့်ခွဲမှုများကို တွေ့ရှိခဲ့ရပါကြောင်း၊ ထို့ကြောင့် လွှတ်တော်ကိုယ်စားလှယ်များ၊ YCDC ရန်ကုန်မြို့တော်စည်ပင် သာယာရေးကော်မတီ (YCDC) နှင့် ရန်ကုန်လျှပ်စစ်ဓာတ် အားပေးကော်ပိုရေးရှင်း (YESC) တို့ ပေါင်းစပ်ညှိနှိုင်း ဆောင်ရွက် သည့်အတွက် ယခုအခါတွင် လမ်းမီးများ မီးလင်းရေးသည် ၂၀၁၉ခုနှစ် ၊ မတ်လမှစပြီး ရန်ကုန်လျှပ်စစ်ဓာတ်အားပေး ကော်ပိုရေးရှင်းမှ တာဝန်ယူဆောင်ရွက်နေပြီဖြစ်ပါ ကြောင်း၊ တာဝန်ယူပြီးတစ်နှစ်ကျော်အတွင်းတွင် ခေတ်အဆက်ဆက်က မီးမလင်းခဲ့သည့် အဓိက မိန်းလမ်းမကြီးများ အတိုင်းအတာတစ်ခုအထိ မီးလင်းခဲ့ပြီးဖြစ်ပါကြောင်း၊ သို့သော် လိုအပ်ချက်များ ရှိနေသေးပါကြောင်း၊ မိမိတို့မြို့နယ်ရပ်ကွက်၏ အဓိကလမ်းသွယ်ကြီး သုံးသွယ်ကြားတွင် မီးလင်းရန် ကျန်ရှိနေသေးသည်ကို စာရင်းဇယားများ၊ မြေပြင်အနေအထား အရ တွေ့နေရပါကြောင်း၊ ထို့ကြောင့် နိုင်ငံတော်၏ဘတ်ဂျက်ဖြင့် အင်းစိန်မြို့နယ်အတွင်းရှိ အဓိကလမ်းများ၊ လမ်းသွယ်များနှင့် ရပ်ကွက်အတွင်းရှိ လမ်းများမီးထွန်းလင်းနိုင်ရေးအတွက် လျှပ်စစ်နှင့်စွမ်းအင်ဝန်ကြီးဌာနအနေဖြင့် ၂၀၂၀ ပြည့်နှစ် အတွင်း အမြန်ဆုံးအပြီးသတ် ဆောင်ရွက်ပေးနိုင်ခြင်းရှိ/မရှိ နှင့် ဆောင်ရွက်ပေးမည် ဆိုပါက အမြန်ဆုံးဆောင်ရွက် ပေးရန်နှင့် မဆောင်ရွက်ပေးနိုင်ခြင်းမရှိပါက မည်သည့်အတွက် မဆောင်ရွက်ပေးနိုင်သည်ကို သိလိုပါကြောင်းဖြင့် မေးမြန်းပါသည်။

                     ပြည်သူများ ဘေးအန္တရာယ်ကင်းရှင်းပြီး လုံခြုံစိတ်ချစွာသွားလာနိုင်ရေးနှင့် တရားဥပဒေစိုးမိုးရေး အတွက် လျှပ်စစ်လမ်းမီးများ လိုအပ်ပါကြောင်း၊ အဓိကလမ်းမကြီးများပေါ်တွင် လျှပ်စစ်မီးတိုင်များ အသစ်တပ်ဆင်ခြင်း၊ LED မီးလုံးများတပ်ဆင်ထွန်းညှိခြင်း၊ လမ်းမီးကြိုးများ အသစ်ဆွဲသား ခြင်းလုပ်ငန်းများကိုလည်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ ဆောင်ရွက်လျက် ရှိပါကြောင်း၊ လက်ရှိ အသုံးပြုနေသော အဓိကလမ်းမကြီးများ၊ လမ်းသွယ်များ၊ ရပ်ကွက်အတွင်း လမ်းများတွင်ရှိသည့်  လမ်းမီးတိုင်များ၊ လမ်းမီးကြိုးများ၊ လမ်းမီးသွယ်များ ပြင်ဆင်နိုင်ရေးအတွက် ဘဏ္ဍာငွေရရှိမှု အပေါ်မူတည်ပြီး ဆောင်ရွက်လျက်ရှိပါကြောင်း၊ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းအနေဖြင့် ၂၀၁၇-၁၈ ဘဏ္ဍာရေးနှစ်မှ ၂၀၁၉-၂၀ ဘဏ္ဍာရေးနှစ်အထိ အင်းစိန်မြို့နယ်အတွင်းရှိ အဓိကလမ်းမကြီးများဖြစ်သော ရန်ကုန်-ပြည်လမ်း၊ ရန်ကုန်-အင်းစိန်လမ်း၊ ဘုရင့်နောင်လမ်း၊ သီရိမင်္ဂလာလမ်း(ဂျပန်လမ်း)၊ မင်းကြီး လမ်း၊ လှိုင်မြစ်လမ်း၊ ဒညင်းကုန်းလမ်း၊ ခရေပင်လမ်း၊ လမ်းသစ်လမ်း၊ အောက်မင်္ဂလာဒုံလမ်း၊ အမှတ်(၄)လမ်း၊ မင်ဓမ္မလမ်း၊ အင်းစိန်ဘူတာရုံပတ်လမ်း အစရှိသည့်လမ်းမကြီး ၁၃ လမ်းအတွက် LED မီးလုံး ၈၃၆ လုံး၊ ဓာတ်အားလိုင်း ၉.၂၅ မိုင်၊ ခန့်မှန်းကုန်ကျစရိတ် ၂၆၄,၈၉၈,၃၀၀ ကျပ်သုံးစွဲပြီး တပ်ဆင် အသုံးပြုခဲ့ပါကြောင်း၊ ရန်ကုန်တိုင်းဒေသကြီးတွင် ၂၀၂၀ ပြည့်နှစ် ဇွန်လအထိ LED မီးလုံးပေါင်း ၁၅,၅၀၀ လုံးနှင့်  လမ်းမီးဓာတ်အားလိုင်းပေါင်း ၁၄၃.၉၇ မိုင်၊ ကုန်ကျငွေကျပ် ၄.၈၈ ဘီလီယံဖြင့် တည်ဆောက်ခဲ့ပြီး ဖြစ်ပါကြောင်း၊ ဘဏ္ဍာငွေရရှိမှုအပေါ် မူတည်ပြီး လမ်းမီးများကိုလည်း ဝယ်ယူဖြည့်ဆည်း လျက်ရှိနေပါကြောင်း၊ သို့ဖြစ်ပါ၍ ရန်ကုန်တိုင်းဒေသကြီးအတွင်းရှိ မြို့နယ်အားလုံး၏ အဓိက လမ်းမကြီးများကို လမ်းမီးများ ထွန်းညှိရေး ပထမဦးစားပေးအဖြစ် တစ်ပြေးညီထွန်းလင်းနိုင်ရေး ဆောင်ရွက်လျက်ရှိပါကြောင်း နှင့် ရပ်ကွက်အတွင်းရှိ လမ်းများ၊ လမ်းမီးများထွန်းနိုင်ရေး အတွက် လာမည့် ဘဏ္ဍာရေးနှစ်တွင် ဘဏ္ဍာငွေထည့်သွင်း တောင်းခံ၍ ဆောင်ရွက်သွားမည်ဖြစ်ပါကြောင်း၊ ၂၀၂၀-၂၁ ဘဏ္ဍာရေး နှစ်တွင် ပြည်ထောင်စုဘဏ္ဍာ ရန်ပုံငွေ မှကျပ် ၀.၇ ဘီလီယံနှင့် တိုင်းဒေသကြီးဘတ်ဂျက် ရန်ပုံငွေမှကျပ် ၃.၅ ဘီလီယံ လျာထားပြီးဖြစ်ပါ ကြောင်းနှင့် ခွင့်ပြုချက်ရရှိပါက ဆက်လက် ဆောင်ရွက်ပေး သွားမည်ဖြစ်ပါကြောင်း ပြန်လည် ဖြေကြားပါသည်။

လျှပ်စစ်နှင့် စွမ်းအင်ဝန်ကြီးဌာန

လျှပ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး ဦးခင်မောင်ဝင်း

https://www.pyithuhluttaw.gov.mm/question-4414

 

27-Aug-2020
Share
« PREV NEXT »

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ


Ministry of

Electric Power

  • www.moep.gov.mm
  • Nay Pyi Taw, Myanmar.
  • 0673410072, 0673410487, 0673410483
www.moep.gov.mm

Total visitors

8194K+
© by MOEP. Powered by Next Hop Co.,Ltd.